Mi per mestee pichi giò ciod, e in vint'ann so minga quanti ne ho picà, che el mè martell el s'è anca sc'epaa. Però i tocch de legn mi i ho semper tacàa. El me mestee l'è picà giò i ciod, g'ho una butèga piena de ferr de veend, ma incoeu m'han ciamà per quajcos diferent. Adess cui me ciod g'han de taca su geent. E alura mi spèti chi cunt el me martèll in man, su stu munt che par un còo, visin a la citàa. Sunt chi che speti quel che rivaràa, con tutta la geent che l'è chi a guardàa. Porten un omm che l'è tucc bèll pestàa, con la curona fada cuunt i spin. Ghe cicchen adoss, fan a tocch el vestìi, ghe dan tri frustaat per menall chi de mi. E adess pichi i mè ciod deent i soo man, per tacall su sura a sta cruus. Tri culp de martèll e i soo òss g'han el bus, Quaand ciama el so pàa, ma g'ha minga de vuus. Hann dì che l'è un re, ma me par minga vera, che el cunta su i ball, l'ha scrivùu 'na preghiera. Cinq pan